“Nuk iki nga PD”, Kadilli: Jam i dënuar të bashkëjetoj me Lulzim Bashën

Pyetjes nëse do të vazhdojë të qëndrojë në PD edhe pas humbjes së zgjedhjeve për kreun e PD, Fatbardh Kadilli iu përgjigj duke thënë se është i dënuar të bashkëjetojë me Lulzim Bashën brenda së njëjtës parti.  

I ftuar në “Të Paekspozuarit” në MCN TV, Kadilli tha se nuk është zgjedhje e tij të qëndruarit në PD, por kjo është zgjedhje e demokratëve.

“Unë nuk iki nga PD. Më pëlqen, s’më pëlqen Lulzim Basha unë jam i dënuar të bashkëjetoj me të. S’është zgjedhja ime, është zgjedhje e demokratëve. Basha më ka gjetur dhe do më lërë në atë parti”, tha Kadilli.