Një grup deputetësh të Parlamentit Evropian i kanë drejtuar një letër kancelares Angela Merkel ku i kërkojnë që të futet në axhendën e presidencës gjermane të Këshillit Evropian çështja e liberalizimit të vizave për kosovarët. Në letër theksohet se kriteret nga Kosova janë përmbushur dy vite më parë, ndërsa liberalizimi vijon që të mbetet peng.
"Ata i kanë bërë detyrat e shtëpisë, tani është radha jonë që të mbajmë premtimin tonë. Ne po humbim besueshmërinë tone kur një vend i tretë bën atë që ne i kërkojmë atyre por ata nuk marrin avantazhet që i premtojmë atyre.
Si mund t’i kërkojmë reforma të tjera vendeve të fqinjësisë tonë, kur ata nuk mund të jenë të sigurt që mund të marrin gjë nga puna e tyre?" thuhet ndër të tjera në letër.
Më 1 korrik Gjermania merr presidecëën e radhës të Bashkimit Europian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
