Kreu i grupit parlamentar të Partisë Socialiste, Taulant Balla tha se kanë pasur njohuri për audio-përgjimin ndaj vëllait të Fatmir Xhafajt rreth 4 muaj më parë.
"Audio-përgjimi ka ekzistuar para disa muajsh. Dua t'ju them që një emisioni i është kërkuar edhe nga lideri i opozitës që ta transmetonte këtë kasetë rreth 4 muaj më parë. Ne e dinim që zt.Basha është munduar që në një tv investigativ të bëhej i mundur transmetimi. I është prezantuar edhe përmbajtja dhe sigurisht emisioni në fjalë ka arritur në përfundimin që kjo dukej diçka jo serioze dhe erdhi momenti që u publikua nga PD", deklaroi Balla.
I ftuar në "Tonight Ilva Tare", Balla tha se ata e kanë ditur vendimin e drejtësisë italiane për Agron Xhafajn që prej vitit 2012. Sipas deputetit socialist, sulmi i PD ndaj ministrit Xhafaj u zhvillua në tre faza.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
