Gjykata e Posaçme kundër Korrupsionit dhe krimit të Organizuar (GJKKO) ka shtyrë seancën ndaj ish-ministrit të Mjedisit, Lefter Koka.
Gjykata e Posaçme shtyu për më datën 11 ora 11:30 shqyrtimin e kërkesës për masë më të butë sigurie, se Koka është në gjendje jo të mirë shëndetësore.
Ekspertët që patën konfirmuar këtë, nuk janë paraqitur sot në seancë.
Koka ishte i pari që u arrestua me urdhër të Prokurorisë së Posaçme (SPAK) më 14 dhjetor, për korrupsion dhe shpërdorim detyre për inceneratorët.
Arrestimi ka ardhur, pasi u kallëzua penalisht nga Lëvizja Socialiste për Integrim për çështjen e inceneratorëve.
Akuza e LSI-së lidhej me pretendimet për shkelje në ndërtimin e inceneratorit të Fierit.
Të premten, GJKKO rrëzoi kërkesën e Kokës për heqje të masës së sigurisë për inceneratorin e Fierit.
SPAK pretendon se Koka ka përfituar përmes ryshfetit 5 milionë eurosh për ndërtimin e dy inceneratorëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
