Kryetari i Kuvendit të Republikës së Maqedonisë së Veriut, Talat Xhaferi, ka shpallur datën e mbajtjes së zgjedhjeve lokale në këtë shtet.
Kryekuvendari Xhaferi, ka caktuar 17 tetorin si ditën e zgjedhjeve lokale.
“Sot e nënshkrova Aktvendimin për shpalljen e zgjedhjeve lokale që do të mbahen më 17 tetor 2021”.
Ai ka bërë apel qytetarëve që në mënyrë të hapur e të drejtpërdrejtë ti ndajnë pritjet e tyre me kandidatët për kryetar të komunave si dhe me ata anëtarët për asambletë komunale.
Ai ka kërkuar nga qytetarët që “të bëhen faktorë aktivë në procesin e zgjedhjes së kryetarëve të komunave dhe të japin votën e vet për ato që e kanë merituar këtë”.
Xhaferi ka uruar që procesi zgjedhor të shkoj mirë e mbarë duke u shprehur se “Le të jenë zgjedhje fer dhe dinjitoze!”, ka shkruar ai në rrjete sociale.
Prej 27 shtatorit do të fillojë fushata zgjedhore në Maqedoninë e Veriut, ka kumtuar Komisioni Shtetëror Zgjedhor. Sipas Komisionit, fushata do të përfundojë më 15 tetor, kurse shorti për radhitjen e partive politike në fletën e votimit do të duhet të realizohet nga KShZ-ja deri më 23 shtator.
Gjithashtu, më 17 tetor edhe Kosova do të zhvillojë Zgjedhjet Lokale 2021.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
