Basha për Ramën: Shkatërroi Teatrin për të grabitur pronën publike

Kreu demokrat Lulzim Basha vijon me akuza ndaj kryeministrit Edi Rama, ndërsa paralajmëron se fundit të qeverisjes së tij i ka ardhur fundi.

Në rrjetet sociale, ai ktheu edhe një herë në vëmendje shkatërrimin e Teatrit Kombëtar dhe akuzoi Ramën se e bëri gjithë këtë për të grabitur pronën publike.

 “I babëzituri nuk do t'ja dijë për mbi 120 mijë të papunë, për bizneset që falimentojnë”, thotë me tej Basha ndërsa shton se qeveria e ka shtuar “me 30 milionë euro borxhin e shqiptarëve”.

“Teksa po i afrohet fundit të qeverisjes RAMAVIRUSI ka hequr dorë nga fasada. Shkatërroi Teatrin Kombëtar duke përfituar nga pandemia, në shkelje flagrante të çdo ligji dhe norme shoqërore, për të grabitur pronën publike dhe për të shtuar me 30 milionë euro borxhin e shqiptarëve.

I babëzituri nuk do t'ja dijë për mbi 120 mijë të papunë, për bizneset që falimentojnë përditë, për mijëra familjet në nevojë dhe varfërinë që falë tij është ulur këmbëkryq në Shqipëri. Kriza e thellë ekonomike dhe papunësia do marrin zgjidhje vetëm kur të largojmë RAMAVIRUSIN”, shkruan Basha ndërsa ka publikuar një video montazh me akuza për Ramën.