Stuhi edhe në porte, vështirësi në ankorimin e trageteve në Vlorë

Moti i keq ka përfshirë të gjithë vendin mëngjesin e sotëm. Krahas përmbytjeve në disa zona të vendit, situata paraqitet problematike edhe në porte.

Shiu i shoqëruar me erë të fortë dhe deti që shkon me forcën nga 6-7 ballë, pengon ankorimin e dy trageteve të linjës Vlorë-Brindizi në port.

Dy tragetet të cilët kanë mbërritur sot nuk kanë mundur të ankorohen në port, duke qëndruar në rade. Në bordin e dy trageteve ndodhen rreth 300 pasagjerë, që janë nisur mbrëmjen e së hënës nga Italia.

Mësohet nga kapiteneria e portit të Vlorës, se një prej trageteve ka tentuar të futet në port, por për shkak të motit të keq ka qenë e pamundur që ai të ankorohet.