Braktisja e punës si ligjvënës në Kuvend për tu marrë me fushatën e zgjedhjeve të 11 majit ndonëse zyrtarisht nuk ka nisur ende është bërë evidente në dy javët e fundit në Parlament.
Të enjten e kaluar nuk u zhvillua seanca plenare, pasi komisionet parlamentare nuk ishin mbledhur për të kaluar projektligje, ndërkohë ditën e sotme ishte qeveria që furnizoi me dy akte normative që lidhen me zgjedhjet.
Kjo reflektoi pakënaqësinë e deputetes së opozitës Jorida Tabaku ndërsa kundërpërgjigja nga grupi parlamentar i PS-së Niko Peleshi erdhi duke ia kaluar fajin Gazment Bardhit se po pengon zgjedhjen e avokatit të ri të popullit pasi nuk ka kthyer përgjigje për dialog.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
