“Fleta e madhe e votimit konfuzon votuesit”. PD: KQZ refuzoi propozimin për fletë më të vogël në disa qarqe

<p><em>Fleta e votimit per 11 majin do te jete me e madhe se asnjehere më parë në zgjedhjet e kaluara. 60 cm me 30 cm, keto jane permasat e formatit zyrtar qe KQZ ka miratuar. Fleta do te kete te njejtat permasa ne te gjitha qarqet.</em></p> <p>Në të do të jenë të renditura 11 subjektet politike, me të gjitha emrat e kandidatëve për deputetë, qofshin ata në listë të mbyllur, por edhe në listën e hapur.</p> <p>Megjithatë për përfaqësuesin e Partisë Demokratike në KQZ, Franc Nuri, fleta e votimit për shkak të përmasave të mëdha, do të sjellë konfuzion tek votuesit si dhe vonesa në procesin e numërimit.</p> <p>Nuri thotë se PD, pati një propozim për të patur në qarqet me numër më të ulër kandidatësh, një fletë me përmasa më të vogla, por kërkesa u refuzua në KQZ.</p> <p>Vetëm një ditë më parë, Kryekomisioneri Ilirjan Celibashi miratoi fletën zyrtare të votimit për zgjedhjet parlamentare të 11 majit, format i cili do të jetë i njëjti edhe për Diasporën.</p> <p>Sipas Celibashit, përmasat janë pasojë e formulës së re me listë të hapur dhe të mbyllur, që ka sjellë numër të lartë kandidatësh për secilin subjekt, konkretisht 186.</p> <p>Fletët e votimit për 11 majin do të prodhohen nga ‘Cetis’ në Slloveni dhe shpërndarja tek diaspora, që voton për herë të parë, nis 10-ditëshin e parë të prillit.</p> <p>&nbsp;</p> <p>&nbsp;</p> <iframe width="560" height="315" src="https://www.youtube.com/embed/4wwUZrz6SdA?si=40D1hkvQu-0VD42_" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>