“PS bllokoi komisionin e inceneratorëve”, Basha: U demaskua kush fshihet pas drejtësisë

Kryetari i PD-së, Lulzim Basha ka akuzuar Partinë Socialiste për bllokim të komisionit hetimor për inceneratorët.

Me anë të një postimi në Facebook, kryedemokrati thotë se me këtë veprim u demaskua se kush fshihet pas drejtësisë, për dëmin prej 430 milionë euro që u kanë shkaktuar familjeve shqiptare.

Pavarësisht kësaj, lideri i PD-së shprehet se nuk do të ndalet në luftën kundër korrupsionit.

Bllokimi i Komisionit Hetimor për mafien e inceneratorëve nga Partia Socialiste, është jo vetëm i jashtëligjshëm dhe antikushtetues, por demaskon kokat e vërteta që kërkojnë t’i fshihen drejtësisë, për dëmin prej 430 milionë euro që u kanë shkaktuar familjeve shqiptare. Lufta kundër korrupsionit është jetike për Shqipërinë dhe përpjekjet e qeverisë më të korruptuar në rajon, për të penguar transparencën dhe hetimin parlamentar, nuk do ta ndalin misionin tim dhe të Partisë Demokratike në përballjen me armikun e mirëqenies së shqiptarëve