Tryeza e quajtur “Dialogu i Diplomacisë për Ballkanin Perëndimor” e cila do të mbahet në margjinat e Forumit Ekonomik Botëror në Davos të Zvicrës, do të bëj bashkë sot Kryeministrin e Kosovës, Albin Kurtin dhe presidentin e Serbisë, Aleksandër Vuçiç.
Të dy do të përballen në këtë tryezë si pjesë e panelit i cili do të filloj mëngjesin e sotëm.
Në agjendën e publikuar nga Banka Evropiane për Investime, bëhet e ditur se në takim do të jetë e pranishme edhe nënkryetarja e këtij institucioni, Gelsomina Vigliotti.
Pjesëmarrjen e këtyre dy politikanëve në këtë panel e kanë konfirmuar zyrat për medie nga dy qeveritë e dy vendeve.
Kurti po qëndron për vizitë zyrtare në Zvicër që nga dita e hënë.
Në këtë vend, shefi i ekzekutivit kosovar do të takohet me përfaqësues të kompanive të ndryshme dhe liderë politikë, po ashtu do të zhvillojë takime me mërgatën.
Ndryshe takimi i fundit – ndonëse joformal- në mes të Kurtit dhe Vuçiç, daton më 4 maj, kur dy liderët shtetëror pas takimeve të ndara që patën me kancelarin gjerman, Olaf Scholz, darkuan në pallatin Borsig në Gjermani, në prezencën e të dërguarit special të Bashkimit Evropian, Miroslav Lajçak.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
