Bashkim Fino ka dhënë dorëheqje nga të gjitha postet që mbante në Partinë Socialiste, pas vendimit për të kandiduar për postin e Presidentit të FSHF.
“Pavarësisht se nuk jam i detyruar ligjërisht, sapo i paraqita dorëheqjen Kryetarit të Partisë dhe Sekretarit të Përgjithshëm nga funksioni i sekretarit organizativ dhe administrativ të Partisë Socialiste.
Ky akt, vjen për të evituar çdo paragjykim, për një garë të drejtë dhe të ndershme, në kuadër të kandidimit tim për postin e presidentit të FSHF”, shkruan Fino në një postim në rrjetin social "Facebook".
Pak ditë më parë kur zyrtarizoi edhe kandidimin për postin e presidentit të FSHF, Fino u shprehë se nuk është e detyrueshme të heqë dorë nga deputeti për të kandiduar për kreun e FSHF-së.
Përballë tij në garën për kreun e FSHF-së është presidenti aktual Armando Duka i cili po kërkon një mandat të 5 për të qenë në krye të futbollit shqiptar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
