Partia Socialiste ka propozuar 4 qershorin si datën për raundin e katërt për zgjedhjen e Presidentit të ri.
Kreu i grupit parlamentar socialist Taulant Balla deklaroi në mbledhjen e Konferencës së Kryetarëve se afati i depozitimit të kandidaturave është ora 12:00, ndërkaq në orën 18:00 mbahet seanca në Kuvend.
“Rendi i ditës së miratuar në fillim të kësaj mbledhje ka qenë caktimi i raundit të katërt për votimin e Presidentit të Republikës. Unë propozoj që raundi i katërt të zhvillohet ditën e shtunë, datë 4 qershor, ora 18:00. Afati i depozitimit të kandidaturës të jetë data 4, ora 12:00 ndërsa afati i shqyrtimit të kandidaturës të jetë ora 16:00, data 4 qershor 2022”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
