Meta sërish qytetarëve: Shmangni provokimet, respektoni vendimin e secilit

Pas thirrjes së mëngjesit për vetëpërmbajtje dhe bashkëqytetari paqësore, presidenti Ilir Meta iu është drejtuar sërish qytetarëve.

Duke përsëritur thirrjen e mëparshme ai u ka kërkuar qytetarëve të shmangin dhunën, të sillen me qetësi dhe mençuri.

“Të dashur qytetarë,

Përsëris thirrjen time për të respektuar në mënyrë civile dhe demokratike vendimin e gjithsecilit gjatë ditës së nesërme.

Sërish ju ftoj të gjithëve të silleni me qetësi dhe mençuri!

Është shumë e rëndësishme vetëpërmbajtja e gjithsecilit!

E theksoj edhe njëherë rëndësinë e jashtëzakonshmë që ka nesër ruajtja e paqes sociale.

Të gjithë duhet t'i shërbejmë asaj dhe së ardhmes europiane të Shqipërisë.

Shmangni provokimet që mund t'ju çojnë drejt dhunës, në mënyrë që dallimet politike të mos cënojnë bashkëjetesën qytetare në çdo familje, në çdo lagje, në çdo fshat, në çdo qytet dhe në të gjithë shoqërinë tone.”