"Madeleine Albright dhe Bill Klinton i ndihmuan Serbisë të çlirohej nga Sllobodan Millosheviqi dhe kështu të krijojë shansin që Serbia të bëhet demokraci europiane", kështu u shpreh për gazetën e Beogradit, "Danas", Danniel Server, profesor i Universitetit Johns Hopkins" të Uashingtonit, transmeton Blici serb.
Ai kështu komentoi pohimin e ministrit të Jashtëm të Serbisë, Ivica Daçiçit, sipas të cilit populli serb nuk do të ketë amriq më të mëdhenj se ish-presidentin e SHBA-së, Bill Clintonin, dhe ish-sekretaren e Shtetit amerikan, Madeleine Albright.
Në lidhje me konstatimin e Daçiçit se Serveri, i cili e kishte kritikuar për shkak të deklaratës se do t'u bëjë thirrje serbëve në Amerikë që në zgjedhjet e ardhshme presidenciale të votojnë për republikanin Donald Trump "dëshiron që të drejtën që e kanë shqiptarët në SHBA t'ua suspendojë serbëve që jetojnë atje", Server është shprehur se "Daçiç në mënyrë dëshpëruese përpiqet të mbulojë gabimin e vet personal që e ka bërë duke paralajmëruar se Qeveria serbe do të përzihet në zgjedhjet amerikane në favor të Trumpit".
Server, kohë më parë kishte deklaruar se nuk ishte vendim i mençur i Daçiçit që në zgjedhjet e ardhshme në SHBA të organizojë fushatë ndër mërgimtarët serbë për mbështetje të Trumpit, sepse kështu ka rritur vetëm atë që kushdo që të jetë presidenti i ardhshëm i SHBA nga radhët e demokratëve, Daçiçi, ndoshta edhe Serbia, do të konsiderohen për armiq.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
