Komisioni antikorrupsion, Bushati: Refuzimi i drejtësisë, i ndikuar nga SHBA dhe BE

<p>Gazetari Andi Bushati thotë se mospjesëmarrja e institucioneve të drejtësisë në Komisionin Antikorrupsion është një vendim i marrë nën influencën e SHBA-ve dhe BE-së.</p> <blockquote> <p>Një pjellë e shëmtuar e propagandës së Edi Ramës. Disa thonë për të kapur SPAK, por SPAK e kanë kapur me kohë. Ka ekzistuar një frikë, sa u bë komisioni dolën të gjitha ambasadat dhe thanë reforma në drejtësi është e paprekshme. Nga njëra anë edhe gjykata e Lartë, Kushtetuese dhe SPAK kanë një influencë të butë nga SHBA-BE. Ata mund t’u kenë thënë “jo këtu”. Por nga ana tjetër SHBA dhe BE thasë ne do marrim pjesë vetë me vëzhgues në komisione. Rama dhe Xhafa po e bëjnë pa opozitë. U duhej kjo farsa e një konsultimi publik. Mund të jetë edhe një shkelje syri. Ne bëjmë sikur e luftojmë, ju bëni sikur e kundërshtoni. Pse Xhafa duhet të ftojë GJK kur ky komision mund të dalë me propozime për ndryshimin e Kushtetutës. Por këto ndryshime mund të çohen në Kushtetuese nga palë të tjera. Pra si mund të jenë anëtar dikush nga Gjykata Kushtetuese.</p> </blockquote>