Komisioni i Akimimeve dhe Sanksioneve shqyrtoi sot kërkesën nr. 31 të Komisionerit Shtetëror të Zgjedhjeve për vendosje të sanksioneve administrative.
KAS, vendosi të enjten të gjobisë me 100 mijë lekë dy kryebashkiakët socialistë, Rakip Sulin e Kamzës dhe Blerim Sherën e Vorës, pasi në mënyrë të përsëritur kanë përdorur faqen zyrtare të bashkive në Facebook për shpërndarje të fushatës së tyre elektorale.
Në përfundim të shqyrtimit, KAS pranoi pjesërisht kërkesën dhe vendosi sanksionin administrative, gjobë në masën 100 000 lekë për Kryetarin e Bashkisë Kamëz, Rakip Suli dhe Kryetarin e Bashkisë Vorë, Blerim Shera.
Kodi Zgjedhor ndalon përdorimin e burimeve publike për fushatë partiake të kandidatëve. Denoncimi ndaj dy kryebashkiakëve ishte bërë gjatë fushatës zgjedhore nga organizata KRIIK, e cila denoncoi Sulin e Sherën se kishin lejuar postime me përmbajtje partiake në faqet zyrtare të bashkive që drejtonin.
Vendimi i KAS-it vjen disa ditë pas zgjedhjeve të 14 majit, ku të dy këta kryebashkiakë u rikonfirmuan në detyrë me rezultat të thellë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
