Kalemaj: Zgjedhjet ishin manipulim në shkallë të gjerë, duhen prekur themelet e sistemit të deformuar

Politologu Ilir Kalemaj thotë se janë bashkuar të gjithë palët në atë që një pjesë e quan farsë zgjedhore, ndërsa LSI terrorizëm elektoral.

Duke folur për “MCN Live” ai deklaroi se zgjedhjet ishin manipulim në shkallë të gjerë në të gjitha nivelet.

Sipas tij, nëse nuk prekim themelet e atij që është sistem i deformuar, e njëjta gjë do të ndodhë dhe në zgjedhjet e kaluara.

Në Partinë Socialiste një mesazh i kryetarit i sheshoi të gjithë zërat që kontestonin rezultatin dhe numërimin. 

Mesazhi i tij publik, ishte nën rreshta që pushteti ka vend për të gjithë dhe me këtë fjali, pushteti mbyll çdo lloj hesapi. 

Në PS edhe ai që mund ta humbë mandatin dhe ai që mund ta fitojë, nuk do bëjnë zë. Opozita ka kontestim për disa arsye është bërë dhe luftë e padrejtë brenda llojit, kanë pretendime subjektet. 

Rinumërimi është shenjë e mirë që të mos ketë tjetërsim të vullnetit të zgjedhësve.  

Nëse nuk prekim themelet e atij që është sistem i deformuar, e njëjta gjë do të ndodhë dhe në zgjedhjet e kaluara.