Aksionet e fundit të policisë së shtetit, ku vetëm sot janë vënë nën pranga rreth 40 persona janë përshëndetur edhe nga ministri i Brendshëm, Fatmir Xhafaj.
Nëpërmjet dy statuseve në profilin e tij në Twitter, Xhafaj shkruan se shumë shpejt do të ketë detaje të reja rreth shkatërrimit të grupeve kriminale.
"Një superaksion i finalizuar nga Policia e Shtetit dhe agjencitë e tjera ligjzbatuese në vend. Goditje njëkohësisht e disa grupeve kriminale. 7 në 1. Shumë shpejt detaje të tjera nga Policia e Shtetit", shkruan Xhafaj.
Ndërsa në një mesazh tjetër kreu i Ministrisë së Brendshme thekson se ky ishte një bashkëpunim i shkëlqyer me partnerët amerikanë dhe europianë.
"Dëshmi e Forcës së Ligjit dhe profesionalizmit në rritje të Policisë. Bashkëpunim i shkëlqyer me partnerët amerikanë dhe europianë. Tregues i qartë i besueshmërisë ndaj @PoliciaeShtetit. Forca e Ligjit do të vazhdojë të ndëshkojë të tjera grupe kriminale", shkruan Xhafaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
