Kryeministri Edi Rama nëpërmjet një shënimi në ‘facebook’ njofton se të gjithë qytetarët shqiptarë të cilët janë gjobitur në Greqi për shkak të kalimit të afatit të qëndrimit, si rrjedhojë e bllokimit nga koronavirusi, do të rimbursohen. Rama thotë se për të aplikuar çdo i gjobitur duhet të disponojë dokumentin e pagesës, ndërsa ka publikuar edhe linkun.
Gjithsesi sipas kryeministrit është një numër i vogël i atyre që janë gjobitur, pasi pala greke është treguar e mirëkuptueshme falë angazhimit personal të kryeministrit Mitzotakis. Gjatë kohës së pandemisë Rama pati siguruar se kujtdo që i skadonte afati i qëndrimit nuk do të penalizohej.
“Të gjithë qytetarët që disponojnë dokumentin e pagesës së gjobës së autoriteteve greke për shkak të kalimit të afatit të qëndrimit në Greqi, janë të lutur të aplikojnë për rimbursim:
Si rezultat i mirëkuptimit të qeverisë greke dhe angazhimit personal të kryeministrit Mitzotakis, shqiptarët me leje të përkohshme qëndrimi nuk u penalizuan masivisht për shkeljen e pavullnetshme të afateve.
Por sidoqoftë është verifikuar një numër i kufizuar rastesh kur janë vendosur gjoba dhe siç jam zotuar ato do të rimbursohen nga shteti shqiptar.
Në themi atë që bëjmë dhe bëjmë atë që themi,”-shkruan Rama në ‘facebook’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
