Përfaqësuesja e Lartë e Bashkimit Evropian për Politikë të Jashtme dhe Siguri, Kaja Kallas, e re në detyrën e saj, do t’i takojë liderët e Kosovës dhe Serbisë në kuadër të darkës së planifikuar me liderët e gjashtë vendeve të Ballkanit Perëndimor.
Kryeministri i Kosovës, Albin Kurti, dhe presidenti i Serbisë, Aleksandar Vuçiç, më 3 dhjetor, do të zhvillojnë takime të ndara me shefen e re të diplomacisë së BE-së mes një atmosfere të rënduar pas ngjarjeve të fundit në pjesën veriore të Kosovës.
Takimet e ndara të Kallasit me Kurtin dhe Vuçiçin u konfirmuan nga zëdhënësja e BE-së për politikë të jashtme, Anita Hipper, në një konferencë për media të mbajtur të hënën.
Këto takime, sipas saj, nuk zhvillohen në kuadër të dialogut për normalizimin e raporteve mes Kosovës dhe Serbisë.
Kallas, e cila ka marr mandatin më 1 dhjetor duhet të vendosë se si të vazhdohet me procesin e dialogut Kosoëv-Serbi.
Kurti dhe Vuçiç do të zhvillojnë takime edhe me presidentin e ri të Këshillit Evropian, Antonio Kosta.
Ata do të marrin pjesë edhe në një darkë joformale që Kosta do të organizojë me të gjithë udhëheqësit e rajonit të Ballkanit Perëndimor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
