Asnjë subjekt politik shqiptar nuk ka kërkuar certifikim në KQZ të ndonjë koalicioni me parti tjera për zgjedhjet e 14 shkurtit në Kosovë, u bë e ditur sot nga KQZ.
Në Komisionin Qendror të Zgjedhjeve, sipas zëdhënësit Valmir Elezi, janë deklaruar dy parti politike për pjesëmarrje në zgjedhje përmes koalicionit në zgjedhjet e 14 shkurtit.
“Në KQZ janë deklaruar këto parti politike se do të kërkojnë certifikim përmes koalicionit. Koalicioni VAKAT, i përbërë nga partitë politike Demokratska Stranka Bosnjaka (DSB) dhe Demokratska Stranka Vatan (DSV); dhe koalicioni ZAJEDNO, i përbërë nga partitë politike Pokret za Gora (PG) dhe Gradjanska Inicijativa Gore (GIG)”, tha ai.
Afati i partive, koalicioneve e iniciativave qytetare për aplikim në zgjedhjet e 14 shkurtit, ku do të dorëzojnë edhe listat e kandidatëve për deputetë, do të përmbyllet me 16 janar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
