Kandidati i Partisë Demokratike për zgjedhjet e 11 majit, Gjin Gjoni, është proceduar penalisht pas kallëzimeve të bëra ndaj tij.
Shërbimet e Komisariatit të Policisë Lezhë referuan materialet në Prokurori, dhe nisi procedimi në gjendje të lirë, për veprën penale “Shpifja”, për shtetasin Gjin Gjoni, 55 vjeç, banues në Lezhë, kandidat për deputet i subjektit politik “Partia Demokratike”.
Procedimi ndaj Gjonit nisi pas kallëzimit të bërë nga shtetasit D. P., E. L., E. S., P. Gj., dhe R. N., përfaqësues dhe simpatizantë të Partisë Socialiste, se 55-vjeçari ka publikuar në rrjetin social Facebook, një postim, nëpërmjet të cilit shpif se pesë denoncuesit janë të implikuar në blerje votash dhe intimidim zgjedhësish.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
