Presidenti i Kosovës, Hashim Thaçi ka dalë në një deklaratë për shtyp pas publikimit të vendimit të Gjykatës Kushtetuese që i hapi rrugën krijimit të qeverisë së re të udhëhequr nga LDK.
Kreu i Shtetit u shpreh se vendimi i Kushtetueses tregon se demokracia në Kosovë është pjekur dhe shtoi se pret formimin sa më shpejt të qeverisë së re për të vijuar me sfidat që përballet vendi.
“U dëshmua se në Kosovë është pjekur demokracia dhe funksionojnë me sukses institucionet e pavarura. Tani është hapur rruga për formimin e qeverisë së re të Kosovës”, tha presidenti Thaçi.
Më tej, presidenti Thaçi shtoi se të gjitha hapat që ka ndërmarrë kanë qenë në përputhje me Kushtetutën dhe ligjet e vendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
