Kryetari i Partisë së Lirisë, Ilir Meta, i kërkoi qeverisë që të heqë dorë nga “lufta e ftohtë” me pedagogët, studentët, por edhe prindërit e tyre që janë të interesuar për arsim sa më cilësor të fëmijëve.
Në një konferencë për mediat ditën e sotme, ai i cilësoi të drejta kërkesat e tyre, që brenda dy viteve të kenë rritje pagash në mashën 50% dhe që të arrijnë nivelin e pagave të kolegëve në Kosovë.
Sipas tij, vetëm një arsim cilësor do e çojë vendin drejt integrimit europian.
Në vitin 2001, qeveria Meta rriti menjëherë 45-50% rrogat e pedagogëve. Kërkesat e pedagogëve janë legjitime.
Lekët janë aty, mjafton të bllokohet afera e inceneratorëve, mjafton të mos vidhet me kilometrat e rrugës së re, që është 8-10 herë më shtrenjtë se në BE dhe të mos bëhen rrush e kumbulla miliona lekë, për të kënduar këngë tek tuneli.
Faktori më i rëndë i gjithë kësaj krize është keqqeverisja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
