Kryeministri i Kosovës, Albin Kurti, në mbledhjen e sotme të qeverisë tha se çështjen e hapjes së Urës mbi Ibër e ka diskutuar në takimet që ka pasur në SHBA dhe vizitat që janë bërë në Kosovë javëve të fundit.
Kurti u shpreh ndërkaq se autoritetet po kryejnë punët e shtëpisë për hapjen e Urës mbi Ibër në Mitrovicë.
“Në të gjitha këto takime natyrisht diskutohet edhe çështja e hapjes së urës qendrore mbi lumin Ibër në Mitrovicë, për të cilën jemi duke i bërë të gjitha konsultimet e nevojshme, si dhe punët tona të shtëpisë, si për shembull trajtimi i draftit preliminar për qëndrueshmërinë fizike të urës, teksa presim raportin final, e deri te përgatitjet për rregullimin e pamjes dhe pastrimin e mjedisit rrotull. Hapja e urës është liri e lëvizjes. E liria e lëvizjes është e drejtë themelore si në Republikën e Kosovës ashtu edhe në Bashkimin Evropian”, ka thënë ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
