I ftuar në ‘MCN Live’ Pano Soko ka komentuar lidhur me aksionin e opozitës për komisionet hetimore për të cilat u shpreh se kur pushteti e shtyp shtetin zgjidhja mbetet tek institucionet. Ai tha se flakët dhe tymueset e opozitës nuk janë zgjidhje, pasi nuk po sheh as përpjekjen më të vogël institucionale. Sipas tij Berisa nuk është i besueshëm, por është një nga arkitektët e kësaj situate.
Shteti janë komisionet hetimore, pushteti janë Rama, Balla dhe kur pushteti e shtyp shtetin, atëherë e vetmja zgjidhje janë institucionet. Djegia e parlamentit apo tymueset nëse do e zgjidhnin situatën atëherë hajde se po shkojmë dhe ne të hedhim tymuese, se unë jam shumë i interesuar për komisionet, por se dimë se sa seriozisht e ka Berisha me to, sepse unë përpjekjen më të vogël institucionale nuk po e shoh këtu.
Këtu po shoh një sjellje arrogante dhe një sjellje refraktare nga ana tjetër. Por nëse të hedhurit tymuese e ndihmojnë PD për të ngritur komisione hetimore hajde shkojmë të gjithë se unë e dua komisionin për portin e Durrësit, jam shumë i interesuar për lekët e Bechetit, se kalojnë lekë nga ministria, dhe për dy, tre komisione të tjera.
Por problemi është se si ne kërkojnë këtë, ata nuk kanë hallin e komisioneve, këtu se shoh një gjë të tillë, sepse kjo që ata po bëjnë nuk i ndihmon dot, as për hallin e vetë Berishën sepse hallin e ka me SPAK-un. Berisha nuk është i besuar, ai duhet të jetë aty ku është tani, është një arkitekt i kësaj situate. Aksion quhet kur ka një produkt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
