Korrupsioni/ Shkullaku: Konferencë e qeverisë për show propagandistik, Kim, mos t'i marrë shqiptarët për budallenj, siç bën Rama

Në pjesën e dytë të emisionit “Të Paekspozuarit”, në MCN TV, gazetari Armand Shkullaku, u ndal te konferenca tre ditore e organizuar nga qeveria Rama, për luftimin e korrupsioni në vend.

Për Shkullakun, kjo është një show propagandistik e cila bëhet me qëllim që vet ata që bëjnë korrupsion, do ti paraqes si ata që e luftojnë atë.

Shkullaku, tha se edhe vet këtë fakt e di ambasadorja amerikane Yuri Kim pjesëmarrëse në konferencë.

Ky është një show, që e shohim për herë të parë. Është show propagandistik. Ka për qëllim, që fytyrat më të errëta të korrupsionit në Shqipëri, ti paraqësë sikur po luftojnë korrupsionin. Asnjë nuk e ha këtë. Këtë e di edhe ambasadorja amerikane.

Ajo e di që gjysma e asaj salle kanë pasuri që nuk i justifikojnë dot. Edi Rama nuk justifikon dot shtëpinë dhe veshjet e tij, që i bën me rrobaqepës nga Italia. Shumica kanë shtëpi, pasuri, vila, makina, që nuk janë të justifikueshme për të ardhurat që kanë . Ambasadorja e di mirë këtë, duhet ti ketë parë edhe vetë, ka edhe raporte.

Kjo është e ngjashme me shfaqjen qesharake, që atëherë na revoltonte por tani na bën për të qeshur, në vitin 2015, në një konferencë për policinë me titull “Lufta kundër drogës një histori suksesi”. Foli Tahiri, Rama, Donald Lu...

Ambasadorja nuk është lodhur as të mendojë fjalë të ndryshme. Luftë e stërmadhe tha Lu-ja, kështu tha dhe Kim. Por pasi foli Lu-ja, na doli gjithë Shqipëria e mbjellë me drogë, ministri i implikuar.

A ka shqiptar që nuk e di kush qëndron pas koncesioneve, inceneratorëve, et? Nuk e di ambasadorja? Nëse kjo është përpjekje e stërmadhe për të luftuar korrupsionin, duke bërë sa më shumë korrupsion…

E vetmja gjë që i kërkoj ambasadores, të tregojë më shumë respekt për audiencën shqiptare. Nëse Rama i trajton si budallenj, ambasadorja të paktën mos ti marrë shqiptarët për budallenj, ajo s’duhet ti marrë shqiptarët si të tillë.