Kreu i PAA-së, Agron Duka tha mbrëmjen e sotme në emisionin “Të Paekspozuarit” në MCN Tv se të gjitha veprimet dhe marrëveshjet nga 2013 e më pas kanë qenë në dëm të opozitës dhe partive aleate.
Duka tha se deputetët e partive aleate janë munduar të jenë aktiv në Parlament.
Mendoj që opozita ka problemet e veta, por kryesisht i ka PD, është evidente duket. Në një gjendje të tillë duket se jemi pasiv. Faktikisht ne 4 deputetët e aleatëve jemi munduar të jemi aktiv në Parlament. Edhe për presidentin jemi munduar të nxjerrim një grup përfaqësues që të kishim një përfaqësues përpara se të digjeshin etapat. Ne e kemi bërë punën tonë. Çdo parti e jona një njeri ka në parlament. Mënyra si u udhëhoq PD dhe marrëveshjet e famshme, mospjesëmarrja në vendore, djegia e mandateve kanë qenë në dëm të partive të vogla. S’kemi pasur asnjë mundësi për betejat elektorale. Nga 2013 të gjitha llojet e marrëveshjeve kanë qenë në dëm të opozitës dhe partive aleate.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
