Kryeministri i Kosovës Albin Kurti priti sot në një takim kreun e AAK-së Ramush Haradinaj, me të cilën foli rreth situatës së tensionuar në Veri.
Haradinaj shkruan në Facebook se u detyrua ta lërë takimin pasi sipas tij po mbante ligjërata e nuk po sqaronte “pse i ka prishur raportet me Amerikën”.
Edhe pse isha pjesë e takimit me kryeministrin Kurti, u detyrova ta lëshoj takimin sepse Kurti mbante ligjërata e nuk na sqaronte se përse ka prishur raportet me Amerikën dhe përse nuk po kthehej që të realizojë kërkesën e tyre. Për mua është e papranueshme që në raste kaq të ndjeshme, të prishim raportet me aleatin kryesor të sigurisë”.
Kurti po zhvillon gjithashtu takime me dy krerët e partive më të mëdha opozitare Abdixhiku dhe Krasniqi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
