Kryeministri Rama ka mbledhur sot kryebashkiakët në Elbasan. Mësohet se gjatë takimit është diskutuar nisja e sezonit të ri politik dhe objektivat për zgjedhjet parlamentare të vitit të ardhshëm.
Takimi vjen dy ditë pas mbledhjes së grupit parlamentar socialist, gjatë së cilës u caktuan edhe drejtuesit politikë nëpër qarqe.
Rama largoi Vangjush Dakon nga drejtimi i qarkut të Durrësit dhe e mori vetë drejtimin e tij.
Po ashtu, Ilir Beqaj u zhvendos nga Kukësi në Shkodër, ndërsa Tirana u nda mes Elisa Spiropalit, Erion Veliajt dhe Ervin Bushatit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
