SPAK i ka komunikuar sot akuzën deputetes së Partisë Socialiste dhe njëherazi kryetare e Komisionit të Ligjeve në Kuvend, Klotilda Bushka.
Bushka është marrë zyrtarisht e pandehur në kuadër të hetimeve për dosjen “Veliaj”.
Sipas dosjes hetimore, SPAK ka ngritur dyshime serioze se Bushka ka qenë pjesë e një fushate të organizuar për të frikësuar dëshmitarët, për të penguar zbardhjen e të vërtetës dhe për të asgjësuar prova të rëndësishme, në një përpjekje të drejtpërdrejtë për të ndikuar hetimin penal.
Bushka akuzohet për kryerjen e veprimeve aktive “që pengojnë zbulimin e së vërtetës” në rastin e dosjes së kryebashkiakut Erion Veliaj, i cili u arrestua më 10 shkurt të këtij viti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
