Gazetarja Oliverda Allmuça raporton jashtë ambienteve të Parlamentit për ‘MCN Live’ se protesta e Partisë Demokratike zhvillohet pa incidente të mëdha, por me masa të forta sigurie.
Sipas Allmucës, kryeministri Edi Rama ka zgjedhur të largohet fillimisht nga salla e parlamentit duke mos dëgjuar nga afër fjalimet e deputetëve demokratë. Ai pritet të kthehet për votimin e imunitetit të deputetes Balluku.
Nuk ka një skenar ndryshe nga protestat e tjera. Aktualisht deputeti Bylykbashi po lexon mbi raportin e opozitës, ndërkohë që fjalimet po jepen edhe jashtë ambienteve të parlamentit. Fillimisht, pas mbledhjes së PS-së, deputetët kanë marrë udhëzime nga Taulant Balla që të paraqiten më herët në godinë, duke hyrë nga dera anësore, për të shmangur konfliktet fizike me PD-në.
Masa të rrepta sigurie janë vendosur në terren, me rreth 1,500 efektivë policie. Megjithatë, burime raportojnë për përpjekje nga protestuesit për të hyrë brenda parlamentit, përfshirë përdorimin e molotovëve jashtë godinës dhe flakadanëve brenda sallës. Deputetët socialistë janë udhëzuar të mos reagojnë gjatë prezantimit të raportit nga PS-ja.
Sa i përket pjesës së jashtme dhe mënyrës se si do të organizohet protesta, nuk ka një skenar të ri. Diferenca kryesore është vetëm ora, ndërsa pjesa tjetër mbetet e njëjtë me protestat e mëparshme. Synimi i protestuesve është që të hyjnë brenda kuvendit.
Pritet të jetë një seancë e gjatë dhe në fund është parashikuar të diskutohet për tema të tjera që opozita do ketë pretendime. Padyshim do jetë një ditë e gjatë.
Bylykbashi po tregon qasjen që opozita ka ndaj Ballukut, por ky raport sigurisht do të shoqërohet me diskutime. Po ashtu dhe raporti i PS do të jetë i gjatë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
