Sekretari i Përgjithshëm i Partisë Socialiste, njëherazi drejtuesi politik i PS në Qarkun Elbasan, Damian Gjiknuri, ka uruar të gjithë besimtarët bektashinj për festën e Sulltan Novruzit.
Teksa u pyet lidhur me me dorëheqjen e Lulzim Bashës si drejtues i Partisë Demokratike, Gjiknuri tha se ky është akti i pari i një humbësi kronik dhe se kjo duhet të kishte ardhur me kohë.
Në dukje ky është akti i parë fisnik i një humbësi kronik, një veprim të cilin duhet ta kishte bërë me kohë. Megjithatë ne si PS, nuk e kemi vëmendjen tek ajo se çfarë po ndodh në PD. PD apo opozita shqiptare është futur në një cikël të vështirë, shkërmoqet në shumë flukse. Akti i dorëheqjes mund të duket fillimi i fundit të këtij procesi, por mund të jetë edhe fundi i fillimit të shkërmoqjes. Ne vëmendje e kemi tek qytetarët shqiptarë. Ne shpresojmë që opozita një ditë të riformatohet për të mirën e saj dhe për të bashkëpunuar për të mirën e Shqipërisë
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
