Ambasadori i Bashkimit Evropian në Shqipëri, Luigi Soreca, ka njoftuar se ndodhet në Bruksel, duke informuar shtetet anëtare të Këshillit Evropian, për sa i përket situatës politike të Shqipërisë.
“Një ditë pas Samitit të vendeve të Ballkanit Perëndimor me BE-në në Slloveni, në Bruksel duke informuar shtetet anëtare mbi situatën aktuale politike në Shqipëri dhe shkëmbimin e pikëpamjeve mbi rezultatin e Samitit të Bërdos”, shkruan Soreca në Twitter.
Ambasadori shpreh bindjen se së shpejti pritet të fillojnë bisedimet për pranimin e Shqipërisë në BE.
“Pritet të fillojnë bisedimet e pranimit sa më shpejt duke u mbështetur në përparimin thelbësor të bërë”.
Dje në Bërdo të Sllovenisë u mbajt Samiti i radhës midis 27 vendeve anëtare të BE-së dhe gjashtë vendeve të Ballkanit Perëndimor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
