Nuk janë mbushur 24 orë nga çelja zyrtare e fushatës elektorale për zgjedhjet lokale të 14 Majit, ndërsa apelit për kandidat me integritet të pastër bërë nga ndërkombëtarët, politika shqiptare sërish i është përgjigjur pjesërisht.
Komisioni Qendror i Zgjedhjeve ka përcjell gjatë kësaj jave në prokurorinë e përgjithshme dhe sektorin e dekriminalizimit një listë prej 29 garuesish për tu verifikuar në mënyrë të hollësishme brenda dhe jashtë vendit.
Pjesë e kësaj liste janë edhe tre kryebashkiak aktual si Artur Bushi i Krujës, Kreshnik Hajdari kryetar i Kuçovës, Qerim Ismailaj Mallakastër për të cilin ka edhe një dënim nga Gjykata e Posaçme.
Ndërsa 26 të tjerët të përfshirë në këtë listë janë kandidat për kryetar dhe këshilla bashkiak për të cilët FactCheck mëson se në vetdeklarimet e tyre janë konstatuar arrestime jashtë vendit, dënime si dhe ndryshime gjeneralitetesh.
Depozitimit të kësaj liste i është përgjigjur Kryeprokurori Olsian Çela pas analizës vjetore depozituar në Këshillin e Lartë të Prokurorisë, ku tha se shumë vende përgjigjen me vonesë ose si përgjigjen fare letërporosive duke e bërë këtë proces të mos jetë i plotë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
