Gazetari Andi Tela tha në studion e emisionit "Të Paekspozuarit" se në 11 korrik mund të ketë masivitet qytetarësh dhe se shumë njerëz mund të vijnë dhe të bëhen pjesë e “mitingut” të PD-së, por problemi është se çfarë do të ndodhë më 12 korrik.
Sipas Telës, historia ka treguar që pas mitingut opozita i kthehet rutinës pa asnjë veprim që mund të zgjojë publikun.
Mund të jetë protestë masive. Një protestë e tillë është bërë fiks para një viti, një tjetër është bërë në shkurt. Brenda një viti 3 protesta. Mund të ketë masivitet, mund të vijnë njerëz të dëgjojnë dhe mund të ikin. Kjo nuk është protestë, por miting, problemi është çfarë ndodh në 12 korrik. Problemi është çfarë bën opozita për të arritur qëllimet e saj për 2025. Historia ka treguar që i kthehemi rutinës, por pa asnjë veprim që mund të zgjojë publikun.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
