Kreu i PD Sali Berisha në fjalën e rikthimit në Kuvend tha se ai vjen në parlament si fitimtar, duke theksuar se Raama nuk ia doli të kompletoi grushtin e shtetit ndaj opozitës shqiptare.
Berisha e etiketoi Ramën si “Edi Metamorfoza” ndërsa Sorosin “armikun më të egër të kombit amerikan”.
“11 muaj më parë Edi Rama mendoi se realizoi ëndrrën e tij që mos shihte më në këtë sallë Sali Berishën, ëndrrën e tij atërore të Shqipërisë pa opozitë. Në një vendim që zgjati 8 minuta, me pasion dhe histeri të madhe, gjysma prej jush atë ditë tentuat të varrosni demokracinë dhe pluralizmin në Shqipëri. Votuat duke mohuar të drejtën e fjalës, sepse fjala ime tmerronte narko-diktatorin dhe shumë prej jush. I bëtë llogaritë të gabuara sepse nuk ishte viti 46’. Është e vërtetë që ju kishit mbështetjen e atyre që ishin larguar nga parimet e mëdha të lirisë së SHBA-ve dhe ndiqnin axhendën e Sorosit, kësaj monstre të njerëzimit, këtij armiku të egër të kombit amerikan. Në 21 dhjetor ju votuat për të kompletuar grushtin e shtetit ndaj opozitës. Mirëpo ja ku jam. Unë vij këtu fitimtar, për të udhëhequr opozitën drejt fitores. Edi Rama nxin aty si Edi Metamorfoza. Si banor i bodrumeve më të errëta të mafies shqiptare. Nxin si armiku më i egër i qenies shqiptare në kohëra. Nxin sepse në 12 vite u angazhua me të gjitha mjetet për të dhunuar, kontrolluar, vullnetin politik të shqiptarëve njëlloj si etërit e tij. U angazhua me çdo mjet për të vjedhur fondet dhe pasuritë publike të shqiptarëve”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
