Kreu i Aleancës për shqiptarët në Maqedoninë e Veriut , Ziadin Sela ka lëshuar akuza të rënda ndaj zyrtarëve të BDI-së.
Në një intervistë për kanalin T7, Sela, tha se funksionarët e BDI-së kanë në prona luksoze në gjirin e Lalzit të cilat janë bërë me procedura të dyshimtë. Nisur nga ky fakt, kreu i ASH-së, i bëri thirrje shtetit shqiptarë të pastrojë skenën politike:
"Përveç klientelizmit, korrupsionit, krimit, bizneseve të cilat ne i kemi si numër që mundohen të lajnë përditë para, apo pronave të cilat quditërisht po mbahen fshehur edhe nga shteti shqiptar, si pasojë e një skandali duke ndjekur një rrjedhje të një skandali në Shqipëri, është zbuluar prona në Gjirin e Lalëzit, prona të funksionerëve të BDI, të pushtetit lokal dhe të pushtetit qëndror. Shteti shqiptar do të duhet ta pastroj skenën politike shqiptare, në qoftëse asgjë tjetër nuk mund të bëj, të paktën këtë e ka obligim moral".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
