Ambasadorja e SHBA, Yuri Kim ka vizituar qytetin e Fushë-Krujës një ditë para zgjedhjeve të 25 prillit.
Mësohet se znj.Kim ka pirë kafe me disa qytetarë, ndërsa më pas ka takuar drejtuesit e Policisë së Rrethit të Krujës.
Nuk dihet ende aryeja e vërtetë e kësaj vizite të ambasadores Yuri Kim në Fushë-Krujë, një qytet i cili njihet për problematika dhe tensione, por deri tani nuk ka regjistruar asnjë incident.
Ditën e nesërme mbahen zgjedhjet e 25 prillit, teksa ambasadorja Yuri Kim do të jetë vetë vëzhguese bashkë me një ekip nga ambasada e SHBA.
Më herët Ambasada e SHBA bëri me dije se do të jetë në terren si gjatë procesit të votimit po ashtu edhe të numërimit, ndërsa ambasadorja Yuri Kim është shprehur se edhe ajo vetë do të jetë pjesë e grupeve të vëzhgimit.
Ambasadorja e SHBA ka qenë në lëvizje ditën e sotme, pasi gjatë paradites ka zhvilluar edhe një takim me kreun e PD-së, Lulzim Bashën. Takimi u zhvillua në selinë blu dhe zgjati një orë, por nuk u bënë me dije detaje nga biseda mes tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
