Ermir Gjinishi, pedagog Instituti i Studimeve Evropiane tha që konflikti në Liban do mbyllet para konfliktit në Gaza, dhe nuk është çudi të mbyllet para se Trump të hyjë në Shtëpinë e Bardhë.
Sipas Gjinishit Trump po vepron me zgjuarësi. Ai shton se presidenti i ri i SHBA "do shkojë te Arabia Saudite, aleancat e vjetra, dhe Turqia del jashtë loje".
Ndër të tjera Gjinishi u shpreh: “Trump po çan frontin, kërkon të izolojë Iranin. Nëpërmjet kësaj lufte Irani faktorizoi veten e vet. Trump do rikthejë aleancat e vjetra. Aleat i vjetër ka qenë Arabia Saudite. Irani do merret me çështjen e Libanit dhe vendet arabe tani po hyjnë. Konflikti Izrael-Liban do mbyllet para se të mbyllet konflikti në Gaza, nuk do çuditesha para se të hyjë Trump-i në Shtëpinë e Bardhë. Trump ka kërkuar që ai të mbyllet para se ai të vijë. Zgjidhja do vijë përmes Iranit. Zgjidhja do përcaktohet nga negociatat e SHBA-ve me Iranit. Pas zgjedhjes së Trump, Irani ka ndryshuar qëndrim, ka toleruar gjërat”.
I pyetur a mund ta sulmojë Izraeli-Turqinë, Gjinishi tha: “Harta e Izraelit të madh që nxori Netanjahu...E kanë thënë troç që do krijojmë Izraelin e madh që cenon jugun e Turqisë, në kufi me Sirisë. Rreziku ekziston kur e shpall një shtet, pavarësisht nëse ndërmerr masa për realizimin e saj. Erdogani ka dy probleme të mëdha brenda dhe jashtë vetes. Po arreston disa lider të opozitës. Erdogani e ka luajtur kartën e islamikut. Me këtë kartë ka dobësuar rolin e vendeve arabe”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
