Vendimi i kryetarit Basha për të përjashtuar nga grupi parlamentar Sali Berishën është bërë shkak për debate në mbledhjen e sotme në selinë blu. Deputeti Flamur Noka e ka cilësuar thikë pas shpine vendimin e Bashës. Burimet i thanë MCN TV se Noka ka debatuar me Bashën, të cilin e akuzon për shkelje të statutit.
Vendimi ndaj Berishës ishte një thikë pas shpine për demokratët. Ai u duhej lënë forumeve të PD-së. Vetëm vendimi i anëtarësisë mban PD të Bashkuar. Ke shkelur statutin, vendimin duhet ta marrë Kuvendi Kombëtar.
Ndërsa Basha është përgjigjur se me një vendim të tillë ka synuar të mbajë të bashkuar partinë.
Nuk desha që këtë vendim t’ua lija forumeve të PD-së për të mbajtur të bashkuar partinë. Në PD nuk do të lejoj dhe nuk do të ketë grupime kundëramerikane. Ky është vendim në interes të demokratëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
