Berisha: Do të ndalohet me ligj veprimtaria e fondacionit Soros në Shqipëri

Kreu i PD Sali Berisha paralajmëroi ndalimin me ligj të Fondacionit Soros në Shqipëri, kur Partia Demokratike të jetë në qeveri. 

Në mbledhjen e Këshillit Kombëtar të PD-së kryedemokrati u shpreh: 

"Një ligj siç ishte ligji që u bë për dekomunistizimin do të bëhet dhe për desorosizimin. 
Do të ndalohet veprimtaria e fondacionit Soros në Shqipëri si një rrezik i vërtetë kombëtar. 
Me ligj do të ndalohet bashkëpunimi i organeve shtetërore, administratës me organizata sorosiane. 
Me ligj do të garantohet se kurrë qoftë edhe në referendum nuk do të mundet kush kurrë se do të luhet me familjen, me prindin, me gjininë përveç atyre që ka përcaktuar Zoti dhe natyra. 
Ndaj dhe është e domosdoshme të shumëfishojmë energjitë, forcat për një bashkim të madh dhe të fuqishëm me të gjitha forcat politike që ndihen të përgjegjshme para qytetarëve shqiptarë".