Ministrja e Shëndetësisë, Ogerta Manastirliu u ka bërë thirrje grave dhe vajzave të mos neglizhojnë shëndetin e tyre.
Manastirliu ka ndarë një video ku disa gra që kanë luftuar me kancerin e gjirit tregojnë betejën e tyre dhe u bëjnë apel grave dhe vajzave të vizitohen. Krahas videos, Manastirliu shkruan se është çelur sot fushata e ndërgjegjësimit për luftën kundër kancerit.
“Me historitë frymëzuese të grave që me forcë e kurajë, po fitojnë betejën për jetën dhe thirrjen për çdo grua, që të marrë pak kohë për kontrollin e gjirit, çelim sot fushatën e ndërgjegjësimit për luftën kundër kancerit të gjirit.”, shkruan Manastirliu.
Ndërkohë në video mesazh, Manastirliu thotë se sipas programit për diagnostikimin e hershëm të kancerit janë siguruar mamografi në çdo spital rajonal, nga veriu në jug dhe ky shërbim është falas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
