Kryeministri Edi Rama ka reaguar lidhur me deklaratat e kreut të PD-së Basha sipas të cilit listat e hapura u japin mundësi oligarkëve dhe kriminelëve të futen në Kuvend por edhe për ofertën që Basha pretendoi se i ka bërë Rama për heqjen e koalicioneve.
“Listat e hapura do fuskan kriminelët në parlament sipas LB e unë dashkam të bëhem President me LB kryeministër,se paskam frikë nga humbja. Në fakt jo, unë e di popullin më të mençur se veten prandaj dua të hapen listat,e s’e bëj dot Lulin KM se s’jam Populli që e vendos këtë” shkruan Rama në twitter.
Më herët Basha ndërsa akuzoi Ramën se qëllimi i tij nuk janë listat e hapura por heqja e koalicioneve parazgjedhore për të mos u përballur me opozitën e bashkuar në zgjedhje, deklaroi se Kryeministri i ka dërguar për një muaj rresht ndërmjetësit e tij me një ofertë për kryeopozitarin.
“Për një muaj e gjysmë Edi Rama ka dërguar çdo ditë ndërmjetësit e tij pothuajse çdo ditë me të njëjtin mesazh.Ti Kryeministër, unë President, vetëm të heqim koalicionet. Edi Ramës nuk i bëhet vonë për njerëzit, merakoset vetëm për pushtetin e tij. Kështu e shikon Edi Rama politikën, si një pazar të ndyrë, si një lojë me porta të vogla për të vjedhur dhe zhvatur Shqipërinë siç ka bërë në këto 7 vite e gjysmë”, tha Basha.
Ndërsa lidhur me deklaratën e Bashës ka frikë të përballet me koalicionin opozitar në zgjedhjet e ardhshme, Rama thotë:
Sa për koalicionin me SHPK e LSI siç e quan LB, as e ndalon hapja e listave që ta bëjë, as e detyroj dot unë që ta zhbëjë! Prandaj Lul merre me qetësi këtë proces ku more gjithë çfarë deshe,e lëri sharjet e kërcënimet,sepse koha e ka treguar që të çojnë vetëm nga humbja në humbje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
