Edmond Stojku, kryetar i Aleancës Demokracia e Re tha në studion e MCN Informacion se kodi zgjedhor që nuk i reziston qoftë dhe një palë zgjedhjeve tregon që është bërë gabim.
Duke vijuar Stojku tha se Shqipëria duhet të ndjekë shembullin e Kosovës.
Kodi zgjedhor që nuk i reziston qoftë dhe një palë zgjedhjeve tregon që është bërë gabim.
Për të shkuar tek e drejta dhe e vërteta e kemi shumë të lehtë sot. Kemi një shtet afër sot që quhet Kosovë, nuk kemi as kufij, flasim të njëjtën gjuhë, kur vjen puna ata kanë një zonë zgjedhore, votë të barabartë. Votojnë brenda dhe jashtë vendin pa presione po thjesht me rregullat e një loje zgjedhore. Zgjedhjet e tyre sot bëhen, sot del rezultati, kurrë nuk kontestohen.
Jemi mësuar me arbitër, kryeplak, gjyqtar që duhet të na japë të drejtë, të na dëgjojë dy palët. Ndoshta është mentaliteti ynë, ne nuk dimë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
