Kryeministri Edi Rama është shprehur pas votimit për kryeparlamentaren Lindita Nikolli, se tashmë në krye të Kuvendit qëndron një grua që nuk i ka fryrë kurrë zjarrit.
“Sot Kuvendi ka në krye një grua të mrekullueshme dhe kolege të respektuar e politikane që asnjëherë nuk i ka fryrë zjarrit të konfliktit. Ky është një lajm i mirë. Është moment i mirë. Ky mandat është shumë i rëndësishëm për të pastruar Shqipërinë”, është shprehur Rama.
Ndërkohë, i pyetur nga gazetarët lidhur me akuzat e Lulzim Bashës se në Kuvend qëndrojnë ministra të korruptuar, Rama është shprehur se PD po kalon një process traumatik.
“Nuk kam dëgjuar asgjë përveç ‘tam tameve’ që janë të mirëkuptueshme për një ditë si kjo që nuk është ditë e lehtë. Është një proces traumatik për PD-në, e duhet të kemi durim e respekt për traumën e tyre”, tha Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
