Kryetarja e Lëvizjes Socialiste për Integrim, Monika Kryemadhi, thotë se çështja e e Prokurorit të Përgjithshëm të përkohshëm duhet të zgjidhet sipas Kushtetutës që nuk lë vend për interpretime.
Në një intervistë për “Zërin e Zmerikës”, Kryemadhi tha se kryeprokurori i ri duhet të zgjidhet me shumicë të cilësuar dhe jo të thjeshtë. Sipas Kryemadhit, çështja e zëvendësimit të kryeprokurorit nuk zgjidhet në tryeza politike, por në Parlament.
“Kushtetuta ka vendosur një dispozitë të tillë, që nuk lë vend për interpretim. A ka vullnet politik për ta zgjidhur? Sigurisht që po. Kemi 3 muaj që flasim për zgjedhjen e Prokurorit të Përgjithshëm. Çështjet e drejtësisë nuk zgjidhen në tryeza, por në Parlament. Nëse do të ulemi prapë në tryeza politike, në allishverishe politike, ne nuk kemi bërë asgjë”, tha ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
