Pas njoftimit ditë më parë se do të rianëtarësohet në Partinë Demokratike, ish-deputetja, Rudina Hajdari ka votuar për kryetarin e PD në njësinë nr. 2.
Hajdari, në njoftimin e saj teksa shihet në foto duke votuar, shkruan se kjo është rruga e vetme për të ringritur PD, për ta rikthyer atë në forcë politike konkurruese dhe qeverisëse.
Ushtrova sot të drejtën e votës në procesin e zgjedhjes për Kryetarin e PD njësia 2. Rruga e vetme për të ringritur PD, për ta rikthyer atë në forcë politike konkurruese dhe qeverisëse, për të ndërtuar opozitën që sot aq shumë i duhet vendit dhe për të rikthyer shpresën në Shqipëri, kalon nga fuqizimi i anëtarit e qytetarit dhe dobësimi i rolit të kryetarit.
Do të jem gjithnjë përkrah anëtarëve të PD e në krah të qytetarëve shqiptarë, duke luftuar për më shumë demokraci, garë e meritokraci brenda politikës shqiptare.
Në zgjedhjet e 25 prillit 2021, Hajdari kandidoi për deputet në Elbasan nën siglën e “Nisma Thurrje”, ku nuk arriti të siguronte mandatin e deputetes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
