Ish-prefekti i Tiranës ka marrë një detyrë të re. Afrim Qendros i është besuar posti i kreut të Inspektoratit Kombëtar të Mbrojtjes së Territorit (IKMT). Ai zëvendëson në këtë detyrë Dallëndyshe Bicin, e cila u largua në fund të janarit.
Qendro ka mbajtur më parë disa detyra të rëndësishme. Ai fillimisht ka qenë drejtues i Ndërmarrjes Nr.1 në Bashkinë e Tiranës, më tej drejtues i Inspektoratit Ndërtimor të Tiranës, drejtues i Autoritetit Rrugor Shqiptar (ARRSH) dhe nënkryetar i Bashkisë së Vlorës.
Qendro u largua nga detyra e prefektit të Tiranës pak ditë më parë, për t’i lënë vendin Shkëlqim Hajdarit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
